Комерцијалните вакцини против грип од денеска достапни за граѓаните. Истите чинат 650 денари. Бесплатните вакцини пак се уште не се достапни, соопштија од Центарот за јавно здравје Скопје.
-Од денеска се почнува со вакцинација со вакцините против грип со наплата, ќе работиме во две смени од 07:30 до 18 часот, па секој што е заинтересиран може да дојде без најава. Вакцините се четиритипни, информираат од Центарот за јавно здравје.
Во нашата земја досега се регистрирани стотина случаи на клинички дијагностицирани заболувања на грип, но од донесените материјалите не е докажан ниеден тип на вирус.
Од Центарот за јавно здравје Скопје информираат дека се набавени 5 илјади вакцини со наплата, а бројот на бесплатни ќе изнесува 28.000. Се очекува тие да бидат достапни кон крајот на месецов.
фото: Архива
