„Подготвени сме за избори, но нема да бидеме алиби на Мицкоски“, вели Филипче

СДСМ е подготвен за избори во секој момент, со тим и програма, но нема да прифати да биде алиби за политичките потези на премиерот Христијан Мицкоски, порача лидерот на партијата Венко Филипче на денешната прес-конференција.

— реклама —

Одговарајќи на новинарско прашање, Филипче истакна дека СДСМ секојдневно се подготвува за следните избори, без оглед на тоа кога ќе бидат одржани.

— реклама —

„Не, нема да бидеме алиби. Избори ќе има кога ќе им снема пари за коруптивни тендери. Тоа нив ги интересира, ништо друго“, рече Филипче.

Тој нагласи дека партијата има подготвен тим и програма, а во текот на следниот месец најави и претставување на „Мастер план за Македонија“.

— реклама —

Според Филипче, планот ќе содржи пет или шест конкретни чекори, јасно дефинирани ветувања и контролни механизми преку кои граѓаните ќе можат да го следат исполнувањето на преземените обврски.

— реклама —

„Спремни сме со нешто што ќе го презентираме во текот на следниот месец, а се вика Мастер план за Македонија. Мастер план во неколку чекори, пет или шест, во кои што, ако граѓаните ни ја дадат довербата на следните избори, кога и да бидат, да знаат кои се нашите ветувања, кои се контролните механизми, тие ветувања за доброто на граѓаните и на државата да ги имплементираме. Ете, тоа ќе биде нашиот план“, порача лидерот на СДСМ.