Подолг период ја следел и вознемирувал поранешната партнерка, заработи кривична пријава

СВР Куманово поднесе кривична пријава против С.А. (36) од кумановското село Черкези поради постоење основи на сомнение за сторено кривично дело „демнење“.

— реклама —

Според информациите од Министерството за внатрешни работи, пријавениот подолг временски период вршел психичко насилство врз својата поранешна партнерка.

— реклама —

— реклама —

Тој ја следел и вознемирувал користејќи различни телефонски броеви, а воедно ѝ упатувал и закани, со што предизвикал чувство на страв и несигурност кај оштетената.

— реклама —

По преземените мерки и целосното документирање на случајот, против 36-годишникот е поднесена соодветна кривична пријава до надлежното обвинителство.