Подводното богатство на Охридското Езеро пред јавноста: Изложба, видеотура и каталог

Подводното културно и историско наследство на Охридското Езеро ќе биде претставено пред јавноста преку изложба на подводни фотографии, видеотура и каталог, во рамки на проектот „Подводни културно-историски знаменитости во Охридското Езеро“.

— реклама —

Проектот е реализиран од Здружението „Клуб за нуркање АКВАТЕК Охрид“, со финансиска поддршка од Општина Охрид, а во соработка со НУ Завод за заштита на спомениците на културата и Музеј – Охрид.

— реклама —

Целта е да се претстави и промовира богатото подводно културно и историско наследство на Охридското Езеро, како и да се придонесе кон унапредување на подводниот и културниот туризам во Охрид.

— реклама —

Посетителите ќе можат да ја погледнат изложбата на подводни фотографии, да проследат подводна видеотура и да ја разгледаат публикацијата-каталог посветена на знаменитостите под водите на езерото.

Презентацијата ќе се одржи на 6 септември 2026 година, со почеток во 19:30 часот, во Музејско-културниот центар „Лапидариум“ во Охрид.