Погоден танкер во Персискиот Залив, избувнал пожар во машинскиот оддел

Пожар избувнал на нафтен танкер откако бил погоден од непознат проектил северозападно од Рас ел Хаима во Обединетите Арапски Емирати. Сите 22 членови на екипажот биле безбедно евакуирани, соопшти британската агенција за следење на поморскиот сообраќај (UKMTO).

— реклама —

На танкерот „МТ Доминика Просперити“, кој плови под знамето на Либерија, имало 19 индиски државјани. Според индискиот министер за поморство Сарбананда Соновал, бродот бил нападнат додека се наоѓал во близина на пристаништето Мина Сакр.

— реклама —

— реклама —

Компанијата за поморска безбедност „Амбри“ соопштила дека танкерот бил погоден во задниот дел додека го напуштал Ормускиот Теснец. Бродот е во сопственост на јужнокорејската компанија „Хаут Брион 56 Лтд“, а со него управува „Синокор Маритајм“.

— реклама —

Бројот на напади врз бродови во Персискиот Залив и во близина на Ормускиот Теснец бележи пораст во изминатите недели, објави Ројтерс.