Се вештачи што било ставено во кобната пита со праз и како отровот завршил во храната. Полицијата покрена истрага координирана од јавен обвинител од Скопје. Додека бабата која го зготви ручекот и нејзниот син се борат за живот и се во кома, а снаата односно сопругата почина, полицијата утврдува како се случило тоа.
„Од местото на настанот подигнати се доказни материјали за вештачење и се преземаат мерки за расчистување на случајот. На 19.10.2023 од Комплексот клиники „Мајка Тереза“ е добиено известување дека едно од лицата починало и телото е дадено за обдукција“, велат од МВР.
Случајот бил пријавен од вработен во Клиниката за токсикологија пред три дена.
