Полицијата приведе 19 возачи: 10 биле пијани, а осум без возачка дозвола

Полицијата во текот на изминатото деноноќие лишила од слобода 19 возачи на различни локации низ државата поради сомнение дека сториле кривично дело „безобѕирно управување возило“ според член 297-а од Кривичниот законик.

— реклама —

Од вкупно 19-те лишени лица, 10 возеле под дејство на алкохол. Станува збор за М.Р. (24) од Скопско, Н.К. (23) од Демирхисарско, Х.Т. (20) од Битола, Ф.А. (24) од Куманово, С.И. (33) од Кумановско, З.Л. (49) од Свети Николе, Г.С. (45) од Делчево, Г.Ч. (48) од Кавадарци, К.Р. (26) од Кавадарци и З.Б.П. (34) од Велес.

— реклама —

Осум возачи управувале возило без положен возачки испит. Меѓу нив се С.В. (47) и М.Ј. (23), двајцата од Скопје, Б.И. (20) од село Драчевица, Скопско, Р.Т. (18) од Гевгелија, З.Х. (59) од село Локвени, Прилепско, А.Р. (34) од село Горна Речица, Тетовско, како и двајца 16-годишници од Гостиварско.

Дополнително, полицијата го лишила од слобода и И.Б. (39) од Скопје, кој управувал моторно возило иако имал активна забрана за управување.

— реклама —

По целосното документирање на случаите, против лицата ќе бидат поднесени соодветни кривични пријави.

— реклама —

Од Министерството за внатрешни работи апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.