Двајца млади се приведени во одделни полициски случаи во Гостиварско и Тетовско, откако кај нив била пронајдена марихуана, соопшти Министерството за внатрешни работи.
Во средата околу 21:10 часот, полициски службеници од ОВР Гостивар го привеле 22-годишниот В.М. од село Мало Турчане. При извршен преглед кај него била пронајдена марихуана.
Само неколку часа подоцна, односно денеска околу 00:05 часот, полициски службеници од СВР Тетово го лишиле од слобода 19-годишниот А.М. од село Челопек.
Тој бил запрен на излезот од Челопек кон Милетино, а при прегледот кај него биле пронајдени марихуана и дробилка.
Од МВР информираат дека по целосното документирање на двата случаи против лицата ќе бидат поднесени соодветни пријави.
