Полицијата приведе осум лица на различни локации, пронајдени дрога и дробилка

Осум лица се лишени од слобода во Скопје и Тетово во одделни случаи, откако полицијата при извршени прегледи кај нив пронашла и одзела различни видови материја за која се сомнева дека е дрога.

— реклама —

Од МВР информираат дека во периодот од 29 до 30 септември 2026 година, на различни локации во Скопје, полициски службеници од СВР Скопје ги лишиле од слобода Р.Р. (50), А.М. (31), С.А. (33) од Скопје, Д.К. од село Волково, скопско, и Х.А. (32) од Берово.

— реклама —

При преглед кај нив биле пронајдени и одземени бела прашкаста материја, грутчеста материја, марихуана и дробилка.

Во одделен случај, на 30 септември во 03:40 часот, во Полициската станица Тетово биле задржани Н.Ч. (33) од Скопје, А.Л. (21) и А.В. (25), двете од Приштина, Р. Косово.

— реклама —

Тројцата биле лишени од слобода на 29 септември од полициски службеници од Полициската станица за граничен надзор Рогачево, откако при преглед кај нив била пронајдена и одземена марихуана.

Од МВР соопштуваат дека по целосното документирање на случаите ќе следуваат соодветни поднесоци.