Дваесет и шестгодишен жител на Кочани бил лишен од слобода во Виница, откако полицијата при преглед на возило што го управувал пронашла банкнота, која тој ја искинал пред полициските службеници.
Од МВР информираат дека на 4 септември во 23:30 часот, полициски службеници од ОВР Виница го лишиле од слобода В.З. (26).
При прегледот на патничкото возило била пронајдена една банкнота, која 26-годишникот ја искинал иако претходно му било укажано да не ја допира.
По претходно издадена судска наредба, бил извршен и претрес во домот во кој престојува В.З., при што биле пронајдени и одземени предмети за кои полицијата наведува дека потекнуваат од кривично дело.
По целосното документирање на случајот, ќе следува соодветен поднесок.
