Полицијата санкционираше 14 возачи: 13 возеле без возачка дозвола, еден бил пијан

Во текот на изминатото деноноќие полицијата лишила од слобода 14 возачи, а со уште две малолетни лица бил извршен службен разговор поради сомнение за кривично дело „безобѕирно управување возило“.

— реклама —

Од МВР информираат дека 13 од возачите управувале возила без положен возачки испит. Меѓу нив се З.Т. (39), М.Л. (22), Х.В. (23) и Б.Ф. (24) од Скопје, Х.Д. (19) од Морани, М.Т. (29) од Прилеп, В.И. (18) од Битола, Р.Н. (47) од Брезница, Македонски Брод, И.Ѓ. (42) од Кочани, Г.Н. (46) од Кавадарци, Ш.Р. (34) од Тетово, Б.А. (26) од Гостивар и Л.Ф. (22) од Чегране, Гостиварско.

Според МВР, Л.Ф. претходно удрил и во паркирано возило.

— реклама —

Со две малолетни лица од Велес, во присуство на родител, бил извршен службен разговор бидејќи управувале мопеди без возачка дозвола.

— реклама —

Во одделен случај, Д.Ј. (39) од Делчево бил затекнат како управува возило под дејство на алкохол.

По целосното документирање на случаите, против лицата ќе бидат поднесени соодветни кривични пријави.

— реклама —

Од МВР апелираат до сите учесници во сообраќајот да ги почитуваат правилата и прописите и да не управуваат возило без положен возачки испит, за време на изречена забрана за управување или под дејство на алкохол.