Полицијата заплени дрога на повеќе локации низ Македонија, приведени повеќе лица

Полициски службеници во текот на 26 и 27 септември на повеќе локации во Македонија лишиле од слобода и привеле повеќе лица поради пронајдена дрога.

— реклама —

Во Куманово, на 26 септември во 22:35 часот, припадници на Одделението за недозволена трговија со дрога и оружје и мобилниот тим „Task Force“ при СВР Куманово го лишиле од слобода 18-годишниот П.Д. од село Долно Којнаре. При преглед кај него била пронајдена бела грутчеста материја.

Истиот ден во 22:20 часот во Штип бил лишен од слобода 31-годишниот И.М. од село Ерџелија, Светиниколско. При прегледот кај него била пронајдена и одземена бела грутчеста материја. За случајот бил известен јавен обвинител.

— реклама —

Во 21:45 часот на локален пат во село Горно Палчиште, полициски службеници од Полициското одделение Камењане го привеле 23-годишниот М.И. од Тетово. При преглед на патничко возило „БМВ“, во кое бил сопатник, кај него биле пронајдени и одземени марихуана и дробилка.

— реклама —

Во Скопје, во текот на ноќта на 26 кон 27 септември, на различни локации биле лишени од слобода 40-годишниот И.Б. и 17-годишник, двајцата од Скопје, 23-годишниот Ш.К. од Арачиново и 32-годишниот Н.Х. од Велес. Кај нив биле пронајдени и одземени марихуана и бела прашкаста материја.

Во Гостивар, на 26 септември во 12:30 часот на улицата „Мара Угринова“, полицијата го лишила од слобода 35-годишниот Е.Б. од Гостивар. При преглед кај него биле пронајдени марихуана и предмети со остатоци од марихуана. Тој бил задржан во полициска станица.

По целосното документирање на случаите, против лицата ќе бидат поднесени соодветни пријави и поднесоци.