Полициска акција: Седум малолетници пиеле алкохол во скопски локал

Засилени полициски контроли во централното подрачје на Скопје во текот на ноќта меѓу 14 и 15 ноември резултирале со откривање на повеќе сообраќајни и други прекршоци, како и приведување на повеќе лица.

— реклама —

Од Министерството за внатрешни работи информираат дека контролите ги спровеле полициски службеници од ЕВР Центар и Бит Пазар, во периодот од 22 до 7 часот, во координација со Државниот пазарен инспекторат.

— реклама —

Биле констатирани 18 прекршоци согласно Законот за безбедност на сообраќајот на патиштата. Дванаесет лица биле лишени од слобода по член 215 од Кривичниот законик, едно поради безобѕирно управување со моторно возило, а три по член 204. Дополнително, пет лица биле приведени поради прекршоци против јавниот ред и мир.

Контроли биле извршени и во угостителски објекти. Во еден од нив биле затекнати седум малолетници кои консумирале алкохол, а во друг случај било утврдено дека трафика продавала алкохолни пијалаци на малолетници. Во координација со Државниот пазарен инспекторат биле преземени мерки за санкционирање.

— реклама —

Во рамки на акцијата, полициски службеници од Единицата за недозволена трговија при СВР Скопје извршиле контрола и на техно-забава организирана во подземниот паркинг на улицата „Кресненско востание“. Биле легитимирани 65 лица и прегледани 13 возила, а едно лице било лишено од слобода по член 215 од Кривичниот законик.

— реклама —

Од МВР најавуваат дека за сите утврдени прекршоци ќе бидат поднесени соодветни пријави и ќе следуваат санкции.