Полициска акција во Струмица: 37 пакувања дрога откриени кај едно лице

СВР Струмица поднесе кривична пријава против Д.С. (27) од село Владевци, општина Василево, поради сомнение за „неовластено производство и пуштање во промет на наркотични дроги, психотропни супстанци и прекурзори“.

— реклама —

Како што информираат од МВР, на 6 април 2026 година, полициските службеници забележале дека Д.С. управува со патничко возило „опел“ со струмички регистарски ознаки и, при лишувањето од слобода, тој фрлил три пакувања марихуана, кои биле пронајдени и одземени.

— реклама —

— реклама —

При претрес во неговиот дом, според судска наредба, биле откриени уште 24 пакувања марихуана, 13 пакувања кокаин и две дигитални ваги.

Лицето е задржано во Полициската станица Струмица и во службен разговор признало дека дрогата била подготвена за продажба. Д.С. е изведен пред судија од Основен суд Струмица, кој му одреди мерка притвор.