Полициски функционери приведени по истрага за насилство во зградата на Владата во Белград

Двајца високи полициски функционери се меѓу деветтемина приведени во Србија во акција на Секторот за внатрешна контрола при Министерството за внатрешни работи. Станува збор за Милан Вуковиќ (48), вршител на должноста директор на Специјалната притворска единица при Окружниот затвор во Белград, и Игор Жмириќ (47), командант на Специјалната антитерористичка единица (САЈ).

— реклама —

Според српскиот портал „Телеграф“, на деветтемина им е одредено задржување до 48 часа по налог на Првото основно јавно обвинителство во Белград. Тие се осомничени за кривично дело „Злоставување и мачење“.

— реклама —

Сомнителниот настан се случил во ноќта меѓу 14 и 15 август 2025 година, во гаражата на зградата на Владата на Србија, на улицата „Немањина“ во Белград.

— реклама —

Според истрагата, осомничените, како припадници на Единицата за заштита на определени личности и објекти при српското МВР, наводно употребиле сила и закани врз повеќе лица, нанесувајќи им силна болка и тешки страдања.

— реклама —

Се сомнева дека целта била да извлечат информации, да ги заплашат лицата и незаконски да ги казнат. Осомничените треба да бидат изведени пред надлежното обвинителство во законски предвидениот рок.