Полициски службеник испраќал закани поради недоразбирање, МВР ќе го суспендира

Полициски службеник од СВР Скопје се соочува со кривична пријава за „загрозување на сигурноста“, откако преку мобилна апликација испратил пораки со заканувачка содржина до лице од Скопје.

— реклама —

— реклама —

Според информациите од МВР, В.Н., документарист во Отсекот за статистика и документирање во ЕВР Кисела Вода, на 18 март 2026 година испратил заканувачки пораки поради претходно недоразбирање со синот на лицето.

— реклама —

— реклама —

Одделот за внатрешна контрола поднел кривична пријава до Основното јавно обвинителство Скопје. Против полицискиот службеник ќе биде поднесен и предлог за поведување дисциплинска постапка и негово суспендирање до нејзиното завршување.