Новинарот Мартин Богатиноски, сподели ситуација на која вели дека бил сведок утринава.
„Утрово, на крстосница на Партизанска во Скопје, се слушнаа две сирени: возило на Брза помош од едната страна и полициско возило кое му го расчистува патот на луксузното возило на некој политичар, од другата страна.
И нормално, полицијата, ни две ни три, му го блокираше патот на возилото на Брза помош кое иташе да спаси нечиј човечки живот, и по брза постапка му го расчисти патот на политичарот кој иташе да си го испие своето прво утринско кафе на удобната фотелја. Толку треба да знаеме за приоритетите во државава“, напиша новинарот.
