Полски параглајдерист бил пронајден во добра здравствена состојба на непристапен терен на планината Даутица, откако при слетувањето над Стровија се нашол на непознат терен и со часови пешачел.
Од МВР информираат дека на 16 август 2026 година во 20:30 часот во СВР Битола, 35-годишниот А.С.С., параглајдерист од Полска, пријавил дека слетал на непознат терен над селото Стровија. Тој пешачел подолго време и бил изморен, но не бил повреден.
Поради непристапниот терен, во текот на ноќта била преземена потрага по него. На 17 август околу 03:00 часот, полициски службеници од Полициското одделение Ропотови и од Полициската станица Прилеп го пронашле параглајдеристот на планината Даутица.
А.С.С. бил во добра здравствена состојба, по што бил пренесен до местото каде што престојувал.
