Во третото тримесечје од 2023 година, бројот на живородените е 4.453 деца и во споредба со истиот период од претходната година е помал за 9,8 отсто.
Според информациите на Државниот завод за статистика, бројот на умрените лица во третото тримесечје од 2023 година бележи намалување од 6,8 отсто во споредба со истото тримесечје од 2022 година, односно починале 4.747 лицa, а од нив осум се умрени доенчиња.
Во третото тримесечје од 2023 година се склучени 4.116 бракови, што претставува намалување од 11.4 отсто во споредба со истиот период од 2022 година.
Во ова тримесечје се разведени 301 брак.
