„Помогнете ми, помогнете ми“: Ѓоковиќ откри детали од најтешкиот период во детството

Новак Ѓоковиќ во документарецот „The Wolf in Winter“ зборува за тешките моменти од детството и за периодот на бомбардирањето на СР Југославија во 1999 година.

— реклама —

Тој се присети на една од првите ноќи кога со семејството морале да трчаат кон друга зграда бидејќи нивниот објект немал засолниште.

„Беше два-три часот наутро, темно, а луѓето трчаа насекаде, во паника. Се сопнав и паднав. Го видов семејството како трча на околу 15 метри од мене. Се обидував да викнам: ‘Помогнете ми, помогнете ми’, но не ме слушнаа“, раскажал Ѓоковиќ.

— реклама —

Како што вели, во тој момент погледнал кон зградата и видел авион кој фрлил две бомби во близина на болница.

— реклама —

По завршувањето на бомбардирањето, семејството се преселило во Минхен, каде што продолжил да се развива како тенисер. Тој раскажува дека финансиските услови биле исклучително тешки, а семејството морало да позајмува пари за да ги покрие трошоците поврзани со неговата кариера.

„На 13 години морав на некој начин да бидам родител. Повеќе не можев да ги покажувам чувствата. А бев дете“, се присетил Ѓоковиќ.

Премиерата на документарецот „The Wolf in Winter“ е закажана за 20 август.