Времето денеска ќе биде променливо облачно со сончеви периоди, а во попладневните часови повторно се очекува нестабилност проследена со локален пороен дожд, грмежи и засилен ветер.
Според прогнозата, на одделни места ќе има поинтензивни атмосферски процеси со пообилен пороен дожд од над 15 литри на квадратен метар, ветер со брзина над 60 километри на час и појава на краткотрајно невреме со град.
Минималните температури ќе се движат од 13 до 19 степени, а максималните ќе достигнат од 22 до 34 степени.
Во Скопје ќе биде променливо облачно и нестабилно со повремени врнежи од дожд, грмежи и засилен ветер. Во одделни делови од котлината се можни пообилен пороен дожд и појава на град. Температурата ќе се движи од минимални 16 до максимални 30 степени.
