Сергеј Попов реагираше на одговорот на СДСМ по прес-конференцијата на Општинскиот комитет на ВМРО-ДПМНЕ во Центар, обвинувајќи ја партијата дека наместо да одговори на проблемот со појавата на глодари во општината, се занимава со него лично.
Попов во објавата наведува дека, согласно Законот за Град Скопје, надлежноста за дератизација и дезинфекција е на Општина Центар, додека дезинсекцијата е во надлежност на Град Скопје.
„Факт е дека вашите сопартијци од СДСМ основните законски надлежности немаат капацитет да ги сработат, а не па да спроведат некои посериозни проекти“, напиша Попов.
Тој упати критики и за работењето на локалната власт во Центар, обвинувајќи ја за издавање одобренија за градба, поскапи паркинзи, лошата состојба на улиците и, како што наведува, финансиски скандали и сомнежи за криминал поврзани со општинските претпријатија.
Попов оцени дека СДСМ се соочува со пораз на следните локални избори и порача дека, според него, граѓаните се свесни за тоа.
Во објавата тој се осврна и на состојбата со чистењето на улиците, наведувајќи дека утринава машински се миел Песталоци од страна на ЈП „Комунална хигиена-Скопје“, со што повторно го отвори прашањето за надлежностите меѓу Општина Центар и Град Скопје.
