Утрово најниска температура во земјава е измерена во Берово, каде термометрите покажаа нула степени, додека најмногу снег има на Попова Шапка, каде снежната покривка достигнува 72 сантиметри.
Според податоците, температура од 1 степен е измерена во Лазарополе и на Попова Шапка, 3 степени во Струмица, 4 во Крива Паланка, Охрид, Битола, Демир Капија и Маврови Анови, 5 степени во Тетово, Прилеп, Крушево, Велес, Кавадарци и Гевгелија, 6 степени во Скопје-Петровец, Штип и Виница, додека 7 степени се измерени во Скопје-Зајчев Рид.
Времето денеска ќе биде променливо облачно со повремен локален дожд и услови за изолирана појава на ретки грмежи. Ќе дува слаб до умерен ветер од северозападен правец, кој наместа долж Повардарието повремено ќе биде засилен.
Максималната температура во текот на денот ќе се движи од 11 до 17 степени.
Во Скопје се очекува променливо облачно време со повремени слаби врнежи од дожд и слаб до умерен ветер од северен правец, а максималната температура ќе достигне до 14 степени.
