Поради имотен спор се заканувал на татко му и семејството, па оштетил возило во кое бил брат му

Надворешната канцеларија за криминалистички работи Гостивар поднела кривична пријава против 52-годишен жител на гостиварско, поради постоење основи на сомнение за сторени кривични дела „загрозување на сигурноста“ и „загрозување со опасно орудие при тепачка или караница“.

— реклама —

Според пријавеното, на 7 август 2026 година, во дворот на куќата на неговиот 71-годишен татко, Ф.И. (52) поради нерасчистени имотно-правни односи упатувал закани кон својот татко и други членови на семејството.

— реклама —

— реклама —

Подоцна, како што соопшти МВР, тој со тврд предмет го оштетил стаклото и кровот на паркирано возило во кое се наоѓал неговиот брат, при што и кон него упатил закани.

— реклама —

За случајот е поднесена кривична пријава против 52-годишникот поради сомнение за сторените кривични дела.