Лидерот на Македонски концепт, Петар Богојески, најави кривична пријава, поради како што вели, борбата со албанскиот етнички шовинизам. Ова доаѓа откако на џамија во Куманово беше поставено големо знаме на Албанија, но не и македонско, што според Богојески е спротивно на Законот за употреба на знамиња.
„ПРАВОСЛАВНОТО ЗНАМЕ истакнато на муслимански храм, што претставува навреда на исламот и ширење на верска омраза! Истото знаме е официјално на Република Албанија и е употребено спротивно на Законот за употреба на знамиња во Република Македонија, што е казниво по КЗ, по повеќе основи, меѓу кои и ширење на етничка омраза. Согласно поднесената кривична пријава до ОЈО од Македонски Концепт, ова кривично дело ќе биде процесуирано, како дел од борбата со албанскиот етнички шовинизам!“, вели Богојески.
Претходно, Богојески објави статус во кој Албанците ги нарекува „шиптари“, на што имаше остра реакција од министерот за здравство, Арбен Таравари. Тој поднесе и кривична пријава.
„Мора да се реагира против говор на омраза особено кога доаѓа од јавни личности кои што имаат некаков импакт, бидејќи со тоа се подгрева меѓуетничка нетрпеливост“, изјави министерот за здравство Арбен Таравари коментирајќи ја кривичната пријава што коалицијата „Вреди“ ја поднесе денеска за Петар Богоевски од Македонски концепт.
