Поранешен руски заменик-министер осуден на 19 години затвор за корупција

Руски воен суд денеска го осуди поранешниот заменик-министер за одбрана, Павел Попов, на 19 години затвор поради корупција, јави државната агенција РИА Новости, пренесува Reuters.

— реклама —

Станува збор за најстрога пресуда досега во серија случаи што го потресуваат врвот на руската воена хиерархија, поврзани со наводни злоупотреби при изградбата на „Паркот Патриот“ – туристичка атракција во близина на Москва.

— реклама —

Попов беше уапсен во летото 2024 година под сомнение дека пренасочувал градежен материјал од проектот за сопствени потреби, а според истрагата, тој ја негирал вината.

— реклама —

Случајот е дел од поширок бран антикорупциски истраги во руското Министерство за одбрана, во кој се опфатени повеќе високи функционери блиски до поранешниот министер за одбрана, Сергеј Шојгу.

— реклама —

Во рамки на тие случаи, други високи функционери, меѓу кои и поранешниот заменик-министер Тимур Иванов, веќе добија долги затворски казни, додека против други се водат постапки.