Поранешен советник на Путин: „Поголем грев е да не се употреби нуклеарно оружје“

Сергеј Караганов (73), поранешен советник на Владимир Путин и почесен претседател на Руското совет за надворешна и одбранбена политика, изјави дека употребата на нуклеарно оружје може да биде „помало зло“ ако со тоа се спречи поголем глобален судир меѓу Русија и САД.

— реклама —

„Употребата на нуклеарно оружје е страшен грев. Но да не се употреби и да се осуди сопствениот народ и светот на голема војна е уште поголем грев“, изјави Караганов гостувајќи на руската државна телевизија.

— реклама —

Тој повтори дека Русија мора да биде подготвена за „најрешителни мерки“ и ја обвини Европа дека е „зараза која мора да биде искоренета“. Според него, целта е да се „скрши кичмата на европските елити“ за да се појават, како што рече, „нормални и здрави сили во Европа“.

— реклама —

Караганов предупреди дека без радикални потези, Русија ризикува да влезе во долг и исцрпувачки конфликт со Европа, што би можело да го истроши рускиот народ и да доведе до глобален судир.

— реклама —

На неговите изјави се надоврза и пропагандистот Владимир Соловјов, кој во својата емисија саркастично повика на „бомбардирање на Оксфорд и Кембриџ“ за да се „децимира британската елита“.