Поранешен директор на Пошта не одобрил исплата на долгови, поради што компанијата претрпела штета од речиси 11 милиони денари за казнена камата

Управата за финансиска полиција поднесе кривична пријава против поранешниот генерален директор на АД „Пошта на Македонија“, Ј.М., поради сомнение за злоупотреба на службената положба и овластување.

— реклама —

Според пријавата поднесена до Основното јавно обвинителство Скопје, во периодот од 2021 до 2022 година, пријавениот не постапил согласно одлуките на Управниот одбор за исплата на обврски кон две правни лица во вкупен износ од 19.292.984 денари.

— реклама —

— реклама —

Иако му биле доставени потребните документи, тој не ја потпишал спогодбата за исплата на долгот, не ги потврдил фактурите и не ги потпишал налозите за плаќање. Поради тоа, против друштвото биле поведени судски постапки, по кои со судски пресуди биле утврдени обврски за плаќање казнена камата.

Со ваквото постапување, според Финансиската полиција, на „Пошта на Македонија“ ѝ била предизвикана штета од 10.968.483 денари по основ на казнена камата.