Поранешен директор на Здравен дом во Свети Николе пријавен за отуѓување имот вреден 75.000 денари

Кривична пријава е поднесена против 63-годишен жител на Свети Николе, кој во текот на 2025 година ја извршувал функцијата директор на ЈЗУ Здравен дом „Примариус д-р Ѓорѓи Гаврилски“.

— реклама —

Од Надворешната канцеларија за криминалистички работи Свети Николе пријавен е С.Б. (63) поради постоење основи на сомнение за сторено кривично дело „злоупотреба на службена положба и овластување“.

— реклама —

— реклама —

Според пријавата, во својство на директор на здравствениот дом, тој не постапил согласно одредбите од Законот за користење и располагање со ствари во државна и општинска сопственост. Без да спроведе соодветна постапка и без да обезбеди потребна согласност од Владата, отуѓил движни ствари за кои немало соодветни податоци за нивниот вид и количина.

— реклама —

Вредноста на отуѓените движни ствари изнесувала 75.000 денари. Со наведеното дејствие, според пријавата, на трети лица им било овозможено да се стекнат со противправна имотна корист, додека на Министерството за здравство му била нанесена штета во истиот износ.