Поранешниот партнер ја следел и ѝ испраќал заканувачки пораки

Жена на возраст од 27 години од Тетово пријавила дека била следена и вознемирувана од нејзиниот поранешен партнер.

— реклама —

Според информациите од Министерството за внатрешни работи, на 12 октомври во 11 часот, жената пријавила во СВР Тетово дека Д.Б. ја следел и ѝ испраќал заканувачки пораки преку мобилни апликации.

— реклама —

— реклама —

Таа навела дека по прекинот на нивната врска во февруари годинава, поранешниот партнер во повеќе наврати ја следел пред нејзиното работно место и домот, а преку мобилни апликации ѝ испраќал пораки и ѝ се заканувал.

Од МВР информираат дека се преземаат мерки за расчистување на случајот.