Пороен дожд и грмежи зафатија повеќе делови од државата, невремето се движи кон Гевгелија и Кичево

Невреме проследено со пороен дожд, грмежи и локално засилен ветер попладнево зафати повеќе делови од Македонија, покажуваат информациите на Управата за хидрометеоролошки работи (УХМР).

— реклама —

Првото невреме беше регистрирано околу 14:16 часот во Кичево, каде имаше пороен дожд и грмежи.

Подоцна, околу 18:02 часот, нестабилност беше забележана во планинските предели северозападно од Скопје, како и во Полошкиот регион, Овче Поле и западно од Струга.

— реклама —

Во 18:16 часот УХМР информираше дека невреме со пороен дожд, грмежи и засилен ветер има северно од Штип, во Гостивар и северно од Македонски Брод, при што облачниот систем се движеше од север кон југ.

— реклама —

Според најновите информации, во 18:39 часот невремето продолжи да дејствува во Гостивар и северно од Македонски Брод, движејќи се кон југоисток.

Во последното известување од 19:19 часот, УХМР соопшти дека од северозапад се приближува ново невреме со пороен дожд и грмежи кон подрачјата на Гевгелија и Кичево. Во исто време, слаб до умерен дожд е регистриран во Скопје, Охрид, Ресен, Македонски Брод и во северозападните делови на државата.

— реклама —

Од УХМР апелираат граѓаните да бидат внимателни поради можната појава на интензивни врнежи, грмежи и засилен ветер во погодените подрачја.