Посебен сообраќаен режим во Скопје во недела поради улична трка

Во Скопје во недела ќе има посебен режим на сообраќај поради одржување на улична трка, информира Министерството за внатрешни работи.

— реклама —

Настанот ќе се одржи на 05.04.2026 година со почеток во 10:00 часот, во организација на Сојузот на спортови на Скопје.

— реклама —

Трасата на движење ќе започне од булеварот „Илинден“ кај фонтаната Лотус, каде ќе бидат стартот и целта, по што учесниците ќе се движат право по булеварот до крстосницата со бул. „8-ми Септември“, каде ќе направат полукружно вртење и ќе се вратат назад до почетната точка.

— реклама —

Поради настанот, Единицата за безбедност на патниот сообраќај ќе преземе мерки за посебен режим, при што сообраќајот ќе се пренасочува по околните улици.

Од МВР апелираат граѓаните да ги почитуваат наредбите на полициските службеници на сообраќајниците каде ќе се одвива трката.