Судбината знае некогаш да си поигра. Кога ѝ била убиена ќерката, Елена Александрова не можела да се помири со тоа, а дури после нејзината мачна смрт дознала дека малата Јана воопшто не била нејзино биолошко дете.
После злосторството, клопчето почнало да се одмоткува, а се дознало дека Јана (10), како и нејзината постара сестра Алина со години биле сексуално злоставувани од очувот Јури. Тој бил главниот осомничен, но утврдено е дека зад мачното убиство стои неговиот брат Олег.
Јури бил осуден на 13 години затвор а Олег на доживотен затвор. Мајката не знаела за пеколот низ кој минувале девојчињата.
Кога дознала за ужасното злосторство, Елена морала да го идентификува телото на Јана, кое било пронајдено во шума во областа Ленинград. Таа ја препознала по облеката што ја носела.
Меѓутоа, ДНК анализата покажала дека таа воопшто не е нејзина ќерка.
Полицијата утврдила дека бебето било сменето во болницата во јануари 2001. година.
Тие ја нашле вистинската ќерка на Елена. Живеела со семејство кое исто така немало поим дека нивните деца биле заменети по раѓањето.
Отпрвин, Елена не можела да го прифати фактот дека Јана не е нејзино дете и сметала дека облеката ја ставиле на друго девојче.
„Мислам пронајденото мртво девојче не е мојата ќерка“, рекла таа во тоа време.
Фото: RusArmy.com
