Последен ден за отплата на долговите за вода без пресметана камата

ЈП „Водовод и канализација“ – Скопје ги информира граѓаните дека денеска, 5 јуни 2026 година, е последен ден од акцијата за отплата на заостанатите долгови за потрошена вода без пресметка на камата за задоцнето плаќање.

— реклама —

Од претпријатието ги повикуваат сите корисници кои имаат неплатени обврски, без разлика дали станува збор за редовен или тужен долг, да ја искористат можноста за подмирување на обврските на рати и без дополнителен трошок по основ на камата.

— реклама —

Акцијата не се однесува на органите на државната и локалната власт, како и на другите државни институции, агенции, фондови, јавни установи и јавни претпријатија основани од државата, општините или Градот Скопје.

— реклама —

Од ЈП „Водовод и канализација“ потсетуваат дека по истекот на денешниот ден одлуката престанува да важи, по што повторно ќе се применуваат редовните услови за наплата на долговите.

— реклама —

За дополнителни информации, корисниците можат да се обратат до службите на претпријатието.