АД Пошта на Македонија соопшти дека информатичкиот систем на компанијата веќе три дена е надвор од функција поради дефект на серверската инфраструктура.
Од компанијата наведуваат дека во овој момент сè уште не се утврдени причините за дефектот и дека не може да се потврди дали тој е последица на неодамнешното невреме или на друга околност.
Посочуваат дека по целосното воспоставување на системот ќе биде спроведена детална анализа за да се утврди што го предизвикало проблемот.
Во меѓувреме, стручните служби на АД Пошта на Македонија, заедно со ангажирани надворешни експерти, интензивно работат на безбедно враќање на информатичкиот систем во функција, со цел да не дојде до губење на податоците.
Од Пошта им се заблагодарија на граѓаните за трпението и разбирањето и најавија дека јавноста навремено ќе биде информирана за сите понатамошни случувања.
