Потрага по скопјанец кој скокнал во Преспанското Езеро по веслата и не излегол од водата

Од вчера трае потрагата по 71-годишен скопјанец кој исчезнал во водите на Преспанското Езеро, откако скокнал од чамец за да ги земе веслата што му паднале во водата.

— реклама —

Случајот вчера попладне бил пријавен во СВР Битола од двајца рибари. Според нивното кажување, тие излегле на брегот кај селото Сливница, Ресенско, додека во чамецот останале уште двајца рибари.

— реклама —

Околу 12:20 часот, едниот од нив скокнал во езерото по паднатите весла, но не излегол од водата. Другиот рибар останал во чамецот, кој под влијание на ветерот се движел кон Крани и во тој момент бил на околу 1.000 метри од брегот.

— реклама —

Полициски службеници излегле на местото, каде што го затекнале Б.Ј. (71) од Скопје. Тој потврдил дека М.М. (71) од Скопје скокнал од чамецот и не излегол од водата.

— реклама —

Во потрагата се вклучени полициски службеници и специјализирана нуркачка екипа од САЕ „Тигар“, кои преземаат мерки за пронаоѓање на исчезнатиот.