Повеќе од 1.100 жени биле жртви на семејно насилство за девет месеци

Во Македонија, во периодот од јануари до септември 2026 година, биле регистрирани 1.337 кривични дела поврзани со семејно насилство, соопшти Министерството за внатрешни работи. Во овие случаи биле пријавени 1.388 сторители и 1.433 жртви.

— реклама —

Меѓу пријавените сторители има 1.278 мажи и 110 жени, додека од вкупниот број жртви, 1.144 се жени, а 289 мажи.

— реклама —

Во истиот период биле евидентирани и 191 прекршок поврзан со семејно насилство, за кои биле пријавени 228 сторители и 221 жртва.

— реклама —

Дополнително, полицијата примила 3.869 поплаки за семејно насилство. Во нив биле пријавени 3.971 сторител, од кои 3.090 мажи и 881 жена, како и 3.961 жртва, меѓу кои 2.567 жени и 1.394 мажи.

— реклама —

Од МВР упатуваат апел до граѓаните да не молчат и да го пријавуваат секој случај на семејно насилство. Жртвите, но и сите што имаат сознанија за вакви случаи, можат да се обратат во најблиската полициска станица или да пријават на телефонските броеви 112 и 192.