Повеќе од 30 активни пожари во Македонија: Огнот се приближува до куќите во Богомила

Повеќе од 30 активни пожари се регистрирани низ Македонија, при што особено тешка е состојбата во централниот дел од земјата. Едно од најпогодените подрачја е Општина Чашка, каде што голем пожар избувна во атарот на селото Богомила.

— реклама —

Огнот зафатил големи површини со мешана шума и тешко пристапен терен, а на места пламените јазици се приближиле и до куќите. На терен се ангажирани локалните противпожарни екипи, вработени во јавните претпријатија и жители од околните места, кои се обидуваат да го спречат ширењето на огнената стихија.

— реклама —

— реклама —

Поради сериозноста на ситуацијата и непристапниот терен, побарано е вклучување и на воздухопловни сили со специјализирани летала за гаснење на пожарот од воздух.

— реклама —

Центарот за управување со кризи и Дирекцијата за заштита и спасување апелираат до граѓаните на максимална внимателност. Високите температури, сувото време и ветерот создаваат услови за брзо ширење на пожарите и појава на нови жаришта низ земјата.