Повеќе од 70 лица лишени од слобода во полициска акција против дрога

Во рамки на акциските контроли спроведени во периодот од 27 јули до 2 август, полициски службеници на Министерството за внатрешни работи на целата територија на државата лишиле од слобода и привеле повеќе од 70 лица поради сомнение за кривични дела и прекршоци поврзани со недозволена трговија и поседување наркотични дроги.

— реклама —

Како што информираат од МВР, при акциите биле пронајдени и одземени различни видови наркотични дроги, меѓу кои бела и кафеава прашкаста материја, марихуана и хашиш, како и дробилки и други предмети кои се користат за употреба или дистрибуција на дрога.

— реклама —

Кај дел од осомничените, по судска наредба, биле извршени претреси, при што биле обезбедени дополнителни докази поврзани со кривичните дела.

Меѓу приведените има и странски државјани, односно лица од Белгија, Турција и Германија.

— реклама —

По целосното документирање на случаите, против инволвираните ќе бидат поднесени соодветни кривични и прекршочни пријави.

— реклама —

Од Министерството за внатрешни работи најавуваат дека и во наредниот период ќе продолжат со засилени активности за сузбивање на недозволената трговија со дрога и откривање на сторителите, со цел зачувување на безбедноста на граѓаните и јавниот ред и мир.