Повеќето возрасни ја имаат оваа навика по раскинувањето, но ретко ја признаваат

Растуреното срце по раскинувањето често ги наведува луѓето на необични постапки – од следење на поранешниот партнер на социјалните мрежи до објавување содржини со надеж дека тој или таа ќе ги забележи.

Според новото истражување на апликацијата „Хинт“, голем дел од возрасните и по раскинувањето продолжуваат да размислуваат како нивните поранешни партнери би реагирале на важните настани во нивниот живот.

— реклама —

Истражувањето покажало дека дури 74 проценти од испитаниците замислувале што би помислил поранешниот партнер за некоја важна животна одлука, додека 68 проценти размислувале како би реагирал на нивниот личен успех.

Дополнително, 59 проценти признале дека објавиле нешто на интернет со надеж дека поранешниот партнер ќе го види, а 52 проценти изјавиле дека постигнале нешто делумно и за да ја импресионираат својата поранешна љубов.

— реклама —

Експертите посочуваат дека ваквото однесување е разбирливо, бидејќи по долг период поминат со некого, таа личност станува важен дел од секојдневието и процесот на носење одлуки.

— реклама —

Прекинот на врската, според нив, може да предизвика чувство слично на зависност, бидејќи партнерите често се и најдобри пријатели и најголема емоционална поддршка.

Истражувањето покажува и дека 48 проценти од испитаниците замислуваат дека токму поранешниот партнер е првата личност со која би сакале да споделат голем успех, наместо некој од сегашното опкружување.

— реклама —

Социјалните мрежи дополнително ја отежнуваат емоционалната дистанца. Дури 61 процент од испитаниците сметаат дека платформите како Инстаграм и Снепчет го отежнуваат целосното преболување на поранешната врска.

Експертите предупредуваат дека е сосема човечки да се посакува вниманието на личност која некогаш била важен дел од животот, но нагласуваат дека не треба целиот живот да се насочува кон барање одобрување од некого кој повеќе не е дел од неговиот живот.