Педесет и петгодишен жител на селото Уларци, Општина Чешиново-Облешево, е пријавен во полиција поради недолично однесување и упатување закани кон екипа на Итната медицинска помош.
Според МВР, на 13 август, околу 19:15 часот, Ф.А. повикал Итна медицинска помош во својот дом за да ѝ биде укажана лекарска помош на неговата мајка.
Медицинската екипа од Кочани пристигнала на адресата, но според пријавеното, повикот бил злоупотребен. Ф.А. се однесувал недолично и им упатувал закани на членовите на екипата.
Случајот бил пријавен во ОВР Кочани, а по целосното документирање ќе следува соодветен поднесок.
