Повреден човек чекал Брза помош, но екипа не била испратена – кривични пријави за двајца вработени

Двајца вработени во Брзата медицинска помош во Тетово добија кривични пријави поради сомнение дека не била испратена медицинска екипа за да му помогне на повредено лице во тетовското село Доброште.

— реклама —

Според Министерството за внатрешни работи, СВР Тетово поднело кривична пријава против И.В. (35) и И.М. (51), двајцата од Тетово, поради постоење основи на сомнение за кривичното дело „неукажување медицинска помош“.

— реклама —

На 29 јуни 2026 година, првопријавената, која била на работа во Итната медицинска помош, примила телефонски повик со барање за интервенција кај повредено лице во Доброште, но не испратила медицинска екипа.

— реклама —

За одлуката го известила и второпријавениот, кој бил нејзин раководител.

— реклама —

Од МВР не соопштуваат какви биле повредите на лицето, ниту дали неиспраќањето медицинска помош имало последици врз неговата здравствена состојба.