Пожар кај Анталија: Во акција шест хеликоптери, три авиони и над 130 пожарникари

Голем шумски пожар избувна во близина на Анталија, во јужниот дел на Турција, а противпожарните служби се борат да ја стават огнената стихија под контрола.

— реклама —

Пожарот избувнал во шумското подрачје кај населбата Узумлу, од засега непознати причини, пренесува турската агенција „Анадолија“.

— реклама —

По пријавата, на терен веднаш биле испратени екипи на Регионалната дирекција за шумарство во Анталија и противпожарните служби.

— реклама —

Во акцијата за гаснење се ангажирани шест хеликоптери, три противпожарни авиони, 14 противпожарни возила, пет цистерни за вода, две интервентни возила и 135 шумски работници.

— реклама —

Пожарникарите продолжуваат со интервенцијата и од воздух и од земја, додека силниот ветер дополнително го отежнува гаснењето и придонесува за ширење на огнот.