На 21.08.2019 во 14.20 часот во Полициската станица Кратово, Л.П.(66) од Кратово пријавил дека истиот ден околу 14.00 часот на место викано „Лискавица“ во помошната просторија од викендица, сопственост на Л.К.(59) од Кратово, настанал пожар, кој потоа се проширил на отворен простор. При гасење на пожарот Л.К. се здобила со изгореници на двете раце и на лицето, по што во Здравствениот дом Кратово и била укажана лекарска помош. Од екипа на Територијалната противпожарна единица Кратово пожарот бил изгаснат. Увид на местото на настанот извршила увидна екипа од Полициската станица Кратово.
