Пожар зафати повеќе возила пред Бугарската амбасада во Скопје

Вистинска драма се одвивала во близина на Бугарската амбасада во Скопје, откако пожар зафатил неколку патнички возила, паркирани во овој дел од градот.

— реклама —

Според првичните информации, во инцидентот нема повредени лица, а противпожарните и другите надлежни служби брзо интервенирале на местото на настанот.

— реклама —

Засега не е познато дали опожарените возила се во сопственост на Бугарската амбасада или станува збор за приватни автомобили. Причините за избувнувањето на пожарот, како и висината на материјалната штета, дополнително ќе се утврдуваат со истрагата.

— реклама —

Во изминатиот период, дел од граѓаните преку социјалните мрежи реагираа дека возилата, паркирани во близина на Бугарската амбасада, го узурпираат тротоарот и го отежнуваат движењето на пешаците.

Од надлежните институции се очекуваат повеќе информации за околностите под кои настанал пожарот и официјални детали од истрагата.