На 30.03.2019 во Полициската станица Кочани било пријавено дека во село Пресека, кочанско, на место викано „Горница“, настанал пожар во кој била зафатена површина од околу 50 хектари борова и дабова шума со ниско стеблеста вегетација. Екипи на Територијалната противпожарна единица-Кочани, вработени во Шумско стопанство и шумска полиција Кочани, преземаат мерки за гасење на пожарот.
На 31.03.2019 во 14.25 часот во Полициската станица Струга било пријавено дека настанал шумски пожар над село Октиси, во делот помеѓу с.Октиси и место викано .„Беличка река“, при што на непристапен терен горела букова шума. За пожарот бил известен Центарот за управување со кризи и територијалната противпожарна единица-
Струга и се преземаат мерки за гасење.
На 31.03.2019 околу 18.30 часот во СВР Куманово било пријавено дека настанал шумски пожар над село Липково, кумановско, при што била зафатена површина од околу 1500 метри квадратни дабова шума. За настанот биле известени Територијалната противпожарна единица-Куманово и Центарот за управувње со кризи и се преземаат мерки за гасење на пожарот.
На 31.03.2019 во 20.30 часот во Полициската станица Гевгелија било пријавено дека настанал пожар кај место викано „Јаворица“, атар на село Давидово, во кој горела нискостеблеста шума. Пожарот бил локализиран од екипа на Територијална противпожарна единица Неготино.
