На 27.03.2019 во Полициската станица Струга било пријавено дека во шума на место викано „Глобочица“ настанал пожар во кој била зафатена површина од околу два километри. Од екипа на Територијалната противпожарна единица Струга и мештаните пожарот бил изгаснат.
На 27.03.2019 во 18.24 часот во СВР Скопје било пријавено дека во село Кадино, на место викано „Стари лозја“ настанал пожар на стрниште, при што биле опожарени околу три хектари лозови насади и родни дрвца. Пожарот бил локализиран од екипа на Бригадата за противпожарна единица.
На 27.03.2019 во 18.00 часот во Полициската станица Македонски Брод било пријавено дека во село Крапа, на место викано „Орев“, во близина на манастир „Св.Илија“ настанал пожар, при што била опожарена сува трева и високостеблеста дабова шума. Од екипа на Територијалната противпожарна единица Македонски Брод пожарот бил локализиран.
