До 13:00 часот денеска во државата се регистрирани вкупно пет пожари на отворен простор, од кои три се сè уште активни, а два се изгаснати, соопшти Центарот за управување со кризи (ЦУК).
Според информациите на ЦУК, активни се пожарите во Општина Желино, кај селото Желино, каде што гори ниска вегетација, во Општина Боговиње, кај патарината кон Гостивар, каде исто така е зафатена ниска вегетација, како и во Општина Крива Паланка, на месноста Думачка Маала, каде што гори ниска вегетација и багремова шума.
Во меѓувреме, изгаснати се два пожари – во струмичкото село Просениково, каде што горело ѓубре, и во селото Старо Нагоричане, каде што бил зафатен пожар во ниска вегетација.
