Пожарот кај Радовиш и натаму се шири

Пожарот на планината Готен, меѓу селата Покрајчево и Злеово во општина Радовиш, се уште гори и се шири кон општина Василево, информира градоначалникот на Радовиш, Герасим Конзулов.

— реклама —

Од вчера се ангажирани и хеликоптери на Аармијата во гаснењето на пожарот, а од денеска градоначалникот Конзулов бара да се вклучат и војници, покрај екипите на Дирекцијата за заштита и спасување, ЈП „Национални шуми“ од подружниците во Радовиш, Струмица, Штип и Кочани, како и пожарникари од ТППЕ Радовиш.

— реклама —

– Мора да се вклучат и војници, бидејќи овој пожар почна да се шири кон територијата на Струмичкиот регион, односно кон општина Василево. Пожарот е голем, а ситуацијата е многу сложена поради непристапниот терен, рече градоначалникот на Радовиш, Герасим Конзулов.

— реклама —

Додаде дека имаат сознанија оти пожарот постојано се потпалува од страна на неодговорни граѓани.

— реклама —

Досега во пожарот, кој гори десетина денови, изгореа околу 200 хектари нискостеблеста шума.