Пожар избувнал во дворот на ОСУ „Кирил и Методиј“ во Тетово, при што биле зафатени повеќе градежни панели наменети за изградба на затворен базен. Нема повредени лица.
Според МВР, пожарот бил пријавен на 6 септември во 14:45 часот во СВР Тетово. Полициски службеници излегле на местото и констатирале дека се запалиле градежните панели складирани во училишниот двор.
Пожарот бил изгаснат од страна на Територијалната противпожарна единица Тетово.
За случајот бил известен јавен обвинител, а увид на местото извршила увидна екипа од СВР Тетово.
